Новости

Бакæс Къостайы æмдзæвгæ

Флешмоб «Бакæс Къостайы æмдзæвгæ» апарахат æппæт дунейы дæр. Йе 'мдзæвгæтæ азæлыдысты алы æвзæгтыл дæр. Ацы мадзалмæ се 'вæрæн бахастой Кировы районы скъолаты ахуыр- дзаутæ æмæ ахуыргæнджытæ дæр. Дыццæджы, кæфты мæйы 8-æм бон, Елхоты хъæуы сæйрагдæр фæзы, культурæйы Галуаны раз, сæмбырд сты хъæуы æртæ скъолайы ахуырдзаутæ сæ разамонджытимæ. Ам кадджын уавæры ахицæн Ирыстоны фидар мæсыг, ирон литературæйы бындурæвæрæг, поэт, прозаик, публицист, нывгæнæг, æхсæнадон архайæг, æппæт Иры дзыллæ дæр сæрыстыр кæмæй у, уыцы Хетæгкаты Леуаны фырт Къостайы райгуырды 160 азы юбилейы фæдыл флешмоб. Архайдтой дзы фæндзай ахуыр-дзауæй фылдæр. Уыдон Къостайы æмдзæвгæтæ куыд аив дзурынц, уый фенæн уыд комкоммæ эфиры парахатдæр социалон хызæгтæй иуы. Мадзал амыдта Елхоты 3-æм скъолайы ирон æвзаджы ахуыргæнæг Милдзыхты Анжелæ. Флешмобы куратор — Кировы районы ахуырады хайады методист Гаджиты Фатимæ. Уый ныхæстæм гæсгæ, ахæм флешмобтæ ацыдысты районы æппæт скъолаты дæр.


 

 

Нæ уацхæссæг.

Сугъараты Елизаветæйы

ист къам.

Добавить комментарий